Nemeresiniń kózinshe áıelin óltirgen qostanaılyq emdelýge jiberildi
QOSTANAI. QazAqparat - Qostanaı oblysy qylmystyq ister boıynsha mamandandyrylǵan aýdanaralyq soty áıelin óltirgen Esmaǵambet Jákenovke qatysty úkim shyǵardy, dep habarlaıdy QazAqparat oblystyq sottyń baspasóz qyzmetine silteme jasap.
Jákenov QR QK 99-baby boıynsha aıyptalǵan. Alaıda, psıhologııalyq-psıhıatrııalyq saraptamanyń qorytyndysyna sáıkes, ol áreketke qabiletsiz dep tanyldy.
«Mamandar Jákenovtiń psıhıkasynyń buzylǵanyn rastap, «hronıkalyq sandyraqtaý» dıagnozyn qoıdy. Osylaısha, ol qylmystyq jazadan bosatylyp, psıhıatrııalyq statsıonardyń qarqyndy baqylaýyna alynyp, májbúrli túrde emdeletin bolady», - delingen sottyń baspasóz qyzmeti habarlamasynda.
Іs derekterine súıensek, 2017 jyldyń 23 mamyrynda Esmaǵambet Jákenov áıelin týǵan qyzy men 6 jasar nemeresiniń kózinshe pyshaqtap tastaǵan. Kóp qan joǵaltqan jábirlenýshi jedel járdem kómegi kelgenshe kóz jumdy. Tártip saqshylary ony qudyqtan taýyp alǵan.
