Nemeresin qutqarmaq bolǵan qarııa sýǵa batyp ketti - SQO
PETROPAVL. QazAqparat – Soltústik Qazaqstan oblysynda nemeresin qutqarmaq bolǵan 70 jastaǵy er adam dep sýǵa ketti, dep habarlaıdy QazAqparat tilshisi.
SQO tótenshe jaǵdaılar departamenti baspasóz qyzmetiniń málimetinshe, oqys oqıǵa 1 shildede saǵat 19.30-da Ǵ.Músirepov atyndaǵy aýdannyń Nejınka eldi mekeninde bolǵan. Esil ózeninde nemeresin qutqarý kezinde 1951 jyly týǵan er adam sýǵa batyp ketken.
Oqıǵa ornyna shuǵyl jetken aýdandyq tótenshe jaǵdaılar bóliminiń, jergilikti polıtsııa qyzmetiniń qyzmetkerleri aýyl turǵyndarymen jáne týystarymen sýǵa batyp ketken er adamdy izdeýge kiristi. Operatsııa qarańǵy túskenge deıin jalǵasty, biraq ol nátıje bermedi.
Іzdestirý jumystaryna 2 shilde kúni tańerteń SQO TJD jedel-qutqarý jasaǵy tobynyń Petropavldan kelgen 10 súńgýiri qosyldy.
Súńgýirlik jumystar kúrdeli jaǵdaıda – úlken tereńdikte, kúshti aǵysta, nashar kóriný jaǵdaıynda júrgizilip jatyr.
Sýǵa ketken er adam Novoıshımskoe eldi mekeniniń taksoparkinde taksı júrgizýshisi bolyp jumys istegen eken. Bir kún buryn ol tapsyrys alyp, tapsyrys berýshini 1 shildede Birlik aýylyna aparǵan. Ózimen birge 7
jastaǵy nemeresi bolǵan. Keri qaıtyp kele jatyp, ol Birlik jáne Nejınka eldi mekenderin jalǵaıtyn Esil ózenindegi kópirge jaqyn jerde mashınany jýý úshin toqtaǵan. Bir mezet jaǵada júrgen nemeresiniń sýǵa qulaǵanyn, ony qatty aǵyn alyp ketip bara jatqanyn baıqaǵan. Balany qutqarý úshin, er adam sýǵa sekirip, balany jaǵaǵa shyǵarǵan, biraq aǵynǵa tótep bere almaı sýǵa batyp ketken.
Mamandardyń aıtýynsha, er adam batyp ketken oryn shomylý úshin qaýipti, ol jerde sýǵa túsýge tyıym salynǵan.
Jalpy bıyl oblystyń sý aıdyndarynda 10 adam qaza tapty, onyń tórteýi shomylý barysynda mert bolǵan. Sýǵa ketkenderdiń úsheýi – bala.
