Nelikten stýdentter men oqýshylar esirtki satýshylardyń ońaı oljasyna aınalady
Іshki ister mınıstrliginiń esirtki qylmysyna qarsy is-qımyl bólimsheleriniń qyzmetkerleri ártúrli beıindegi oqý oryndaryna baryp, esirtkiniń zańsyz aınalymyna qatysýdyń saldary týraly únemi aıtyp keledi. Stýdentter arasynda júrgizilgen saýalna olardyń esirtki úshin beriletin jazadan habarsyz ekenin kórsetken. Kazinform bul týraly Polisia.kz-ke silteme jasap habarlaıdy.
Máselen, mefedron sııaqty sıntetıkalyq preparattyń 1,5 gramyn satqany úshin 7 jyldan 15 jylǵa deıin bas bostandyǵynan aıyrý jazasy taǵaıyndalady.
Qarasha aıynda polıtseıler barlyq óńirdegi stýdenttik jataqhanalarda reıdter bastady.
Birinshiden, jataqhanalarda turatyn stýdentterge kez kelgen psıhoaktıvti zattardy qoldanýdyń saldary, sondaı-aq esirtki satýǵa qatysqany úshin jaza týraly eskertiledi.
Ekinshiden, reıdter barysynda qyzmettik ıtteri bar kınologtar jataqhanalardyń úı-jaılaryn esirtkiniń bar-joǵyna tekseredi.
Osy apta ishinde ártúrli óńirde esirtkiniń qoldanylýyn nemese taralýyn anyqtaý jáne esirtki qylmysy úshin jaýapkershilikti túsindirý maqsatynda kolledjder men joǵary oqý oryndarynyń jataqhanalarynda osyndaı 25 reıd ótkizildi. Barlyǵyna qyzmettik-izdestirý ıtteri jumyldyryldy.
«Stýdentter men jasóspirimder esirtki dılerleriniń ońaı oljasyna aınalady. Táýelsiz ómirdi bastaı otyryp, bos ýaqytynda aqsha tabýǵa tyrysyp, kez kelgen zańsyz áreketter jaýapkershilikke jeteleıtinin bile bermeıdi.
Іshki ister mınıstrliginiń mindeti – árbir oqýshy men stýdentke osyndaı «tabystyń» saldary týraly eskertý.
sirtkige qatysty barlyq áreketter úshin 16 jastan bastap tolyq jaýap berýge týra keledi. Esirtki jasyrýshylar nemese kýrerler 7 jyldan 15 jylǵa deıingi merzimge bas bostandyǵynan aıyrý jazasyn alady. Internette esirtkini jarnamalaǵany, nasıhattaǵany, sondaı-aq forýmdarda qandaı da bir esirtki týraly oń kommentarıı jazǵany úshin 3 jyldan 6 jylǵa deıin jaza taǵaıyndalady», – dedi ІІM Esirtki qylmysyna qarsy is-qımyl departamenti bastyǵynyń orynbasary Baqytjan Ámirhanov.
