Nelikten syrttan pılottar tartylyp jatyr
ASTANA. KAZINFORM — Qazaqstanda avıatsııa salasynda pılot tapshylyǵy baıqalady. Bul týraly Kólik mınıstri Nurlan Saýranbaev Úkimettegi brıfıngte aıtty.
Mınıstrdiń aıtýynsha, eldegi avıatsııa salasynda 23 myń adam eńbek etedi. Jyl saıyn salaǵa shamamen 500 maman qajet bolady. Ásirese pılottardy daıarlaýda halyqaralyq sertıfıkat alý máselesi mańyzdy bolyp otyr.
— Bizde Azamattyq avıatsııa akademııasy bar, sol jerde sertıfıkattalǵan mamandar daıarlanady. Oǵan qosa, keler jyldyń qyrkúıegine deıin ózimiz sertıfıkat beretin ortalyq ashamyz. Sonda avıatsııa mamandaryn eki jerde daıyndaımyz, — dedi Nurlan Saýranbaev.
Tilshiler suraǵyna jaýap bergen mınıstr qazaqstandyq mamandardyń jappaı shetelge ketpegenin, kerisinshe, elde pılot jetispegeı, sheteldik mamandar tartylyp jatqanyn jetkizdi.
— Qazir «Eır Astanadaǵy» pılottardyń 40 paıyzy nemese shamamen 300 adam — sheteldik mamandar. Eger elde jetkilikti deńgeıde daıarlasaq, óz mamandarymyzdy alar edik, — dedi mınıstr.
Aıta keteıik, Almatydaǵy Azamattyq avıatsııa akademııasyna bólinetin grant sany jyldan-jylǵa artyp keledi. Túlekterdi jumysqa ornalastyrý kórsetkishi de 90% jetken.
Sondaı-aq, Qazaqstanda Avıatsııalyq ǵylymı-zertteý ınstıtýty qurylady.
