Nelikten Qazaqstan kórshi eldermen sý máselesin sheshe almaı otyr

ASTANA. KAZINFORM — Qazaqstannyń kórshi eldermen sý bólý, jiberý máselesin retteıtin ortaq kelisimi bar. Bul týraly Sý resýrstary jáne ırrıgatsııa mınıstrligi sý resýrstaryn paıdalanýdy retteý departamentiniń basshysy Sáken Átel málim etti.

Ortalyq kommýnıkatsııalar qyzmeti alańynda ótken baspasóz máslıhatynda «Nelikten Qazaqstan Qytaı, Ózbekstan elderimen sýdy ádil bólý týraly kelisimge kele almaı otyr? Mınıstrlik jaǵdaıdy qalaı baqylaıdy?» — degen saýal qoıyldy.

— Bizde kórshiles Ózbekstan, Tájikstan jáne Qyrǵyzstan elderimen kelisim bar. Mysaly, Syrdarııa ózenine keletin bolsaq, jylyna keminde eki ret sý úlestirý komıssııasynyń otyrysy ótedi. Vegetatsııa kezeńinde jáne vegetatsııaaralyq kezeńde rejım bekitiledi. Onyń ishinde Shardara sý qoımasyna keletin sýdyń kólemi de bekitiledi. Aıtatyn bolsam, 5 sáýirde kezekti otyrystyń qorytyndysyna sáıkes, Syrdarııa sý qoımasyna sý jiberý kólemi 3,7 mlrd tekshe metr bolyp bekitilgen, — degen jaýap qatty Sáken Átel.

Aıta ketsek, sýarý maýsymy bastalǵaly aýyl sharýashylyǵynyń qajettiligine 8 mlrd tekshe metrden astam sý jiberildi.