Nelikten qan qysymyn ólsheý mańyzdy
ASTANA. KAZINFORM — Arterııalyq qan qysymy — bul qannyń tamyr qabyrǵalaryna túsiretin kúshi, dep habarlaıdy Densaýlyq saqtaý mınıstrliginiń baspasóz qyzmeti.
Mamamdardyń aıtýynsha, joǵary qan qysymy (gıpertonııa) ınsýlt nemese júrek aýrýlary sııaqty aýyr saldarǵa ákelýi múmkin, biraq kóbine eshqandaı belgisiz ótedi. Ony anyqtaýdyń jalǵyz joly — turaqty túrde ólsheý.
— Tómen qan qysymy (gıpotonııa) bas aınalý, álsizdik nemese talyp qalý sııaqty belgilermen kórinýi múmkin. Qalypty kórsetkishter: shamamen 120/80 mm syn.baǵ. — ońtaıly 130/85 mm syn.baǵ. deıin — kóptegen eresek úshin qalypty shek 140/90 mm syn.baǵ. joǵary — joǵary qan qysymy, — delingen habarlamada.
Qan qysymyn dárihanalarda, emhanalarda, úıde tonometr arqyly tekserýge bolady. Ony turaqty baqylaý aýrýlardyń aldyn alyp, asqynýlardy erte anyqtaýǵa kómektesedi.
Budan buryn arterııalyq gıpertenzııa shamamen árbir onynshy júkti áıelde kezdesetini aıtyldy. Saldarynan túsik tastaý, asqyný jáne ólim qaýpi joǵary bolady.
