Nelson Mandelanyń jaǵdaıy táýir, aýrýhanadan shyǵýy múmkin
ASTANA. 15 shilde. QazAqparat - 18 shilde kúni 95 jasqa tolatyn OAR-dyń tuńǵysh qara násildi prezıdenti Nelson Mandela jaqyn arada aýrýhanadan shyǵyp, em-domyn óz úıinde jalǵastyrýy yqtımal.
Bul týraly OAR-dyń burynǵy prezıdenti Tabo Mbekı málimdedi.
Onyń aıtýynsha, «Mandelanyń beti beri qarap keledi». Biraq onyń otbasynyń keı músheleri «sońǵy eki aptada esh ózgermegen» aýyr haliniń saqtalǵanyn aıtyp otyr.
Nobel syılyǵynyń laýreaty osydan bir aıdan artyq ýaqyt buryn aýrýhanaǵa ókpedegi ınfektsııanyń kezekti márte ýshyǵý dıagnozymen aýyr biraq turaqty jaǵdaıda jetkizilgen bolatyn.
