Nelson Mandelanyń shóberesi kólik apatynan qaza tapty
ASTANA. Maýsymnyń 11-i. QazAqparat - Ońtústik Afrıkadan jetken aqparatqa sáıkes, Ońtústik Afrıka Respýblıkasynyń burynǵy prezıdenti jáne aparteıdke qarsy qozǵalystyń kóshbasshysy Nelson Mandelanyń shóberesi kólik apatynan qaza tapty, dep habarlaıdy Bı-Bı-Sı.
13 jastaǵy Zenanı Mandela beısenbi, maýsymnyń 10-y kúni keshkisin OAR-daǵy fýtboldan álem chempıonatynyń ashylýyna arnalǵan kontsertten keıin úıine kele jatqan. Aldyn ala málimetter boıynsha, oqıǵa saldarynan basqa eshkim zardap shekpegen.
Ońtústikafırkalyq polıtsııa kólikte Zenanımen birge Mandelanyń burynǵy áıeli Ýınnı Madıkızelanyń bolǵandyǵyn aıtady, alaıda Nelson Mandela qory Bı-Bı-Sı-men suhbat barysynda bul aqparatty teriske shyǵaryp otyr.
Zenanı Mandelanyń 9 nemere, shóbereleriniń biri. Ol maýsymnyń 9-ynda 13-ke tolǵan edi.
