Nelson Lopes: Meıvezer men Kanelo, saqtanyńyzdar, Islam kele jatyr
ASTANA. QazAqparat - Qazaqstandyq boksshy Qanat Islam (23-0, 19 KO) brazılııalyq Robson Assısty (16-4, 9 KO) jeńgennen keıin, Qanattyń bapkeri Nelson Lopes sóz sóıledi, dep habarlaıdy Sports.kz.
«Qanat - álemniń kelesi chempıony. Qazaqstan jańa chempıondy kórgisi keledi. Bul bizdiń armanymyz. Biz kez kelgen qarsylasqa daıynbyz. Tek bir másele bar - olar bizben aıqasqysy kelmeıdi. Kanelo, Meıvezer, saqtanyńyzdar, Qanat kele jatyr! Qanatpen jekpe-jekke shyǵý úshin Meıvezer eshqashan rıngke qaıtyp kelmeıdi. Eshkimniń Qanatpen aıqasqysy kelmeıdi», - dep málimdedi Lopes.
Budan buryn Islam Saýl Alvares «Kanelomen» (48-1-1, 34 KO) nemese Mıgel Kottomen (40-5, 33 KO) jekpe-jekke shyqqysy keletindigin aıtqan bolatyn.
