Nekeni buzý kezinde sýdıalarǵa psıhologtar keńes beretin bolady
ASTANA. QazAqparat - QR Bas prokýratýrasy neke buzý protsesine medıator-psıhologtardy tartýdy usyndy.
«Psıhologtar sotta kimdi tatýlastyrýǵa bolatynyn aıtyp otyrsyn. Sýdıa ajyrasqaly jatqan juptardyń jarasýyna ýaqyt berip, psıhologpen tildesýge jibersin. Sodan keıin ǵana olardyń nekesin buzýǵa bolatynyn ne bolmaıtynyn sheshsin», - deıdi Alımentter óndirip alý jónindegi úılestirý keńesiniń otyrysynda QR Bas prokýrorynyń birinshi orynbasary Iogan Merkel.
QR Ádilet mınıstrliginiń derekteri boıynsha, elimizde jyl saıyn 50-55 myń jup ajyrasady. Jylyna úılenetin juptar sany 120 myń.
Qazirgi ýaqytta 350 myńnan astam bala alımentke muqtaj. Al olardyń aldyndaǵy ata-analardyń alıment qaryzy 1,8 mlrd. teńgege jýyqtaıdy. Jetimder úıinde 32 myń bala turyp jatyr, olardyń 70 paıyzynda ata-analary bar.
