"Neke jáne otbasy týraly" QR Kodeksiniń jobasy birinshi oqylymda maquldandy - Senat
TANA. 29 qyrkúıek. QazAqparat /Marlan Jıembaı/ - Parlament Senaty «Neke (erli-zaıyptylyq) jáne otbasy týraly» Qazaqstan Respýblıkasy Kodeksiniń jobasyn birinshi oqylymda maquldady.
Elimizdegi neke-otbasy qatynastaryn retteýge olardyń júzege asyrylýynyń kepildikterin belgileýge, sondaı-aq otbasynyń quqyqtary men múddelerin qorǵaýdy qamtamasyz etýge baǵyttalǵan Kodeks jobasyn tanystyrǵan Ádilet mınıstri Rashıt Túsipbekov: «Kodeks jobasy adamnyń jeke ómirine qol suqpaý, jeke ómiriniń qupııasyn jarııa etpeý týraly laýazymdy tulǵanyń jaýapkershiligin kózdeıdi»,-dedi.
Birinshi oqylymda maquldanǵan jobany Áleýmettik-mádenı damý komıtetine ekinshi oqylymǵa ázirleý tapsyryldy.
