«Neke jáne otbasy týraly» Kodekstiń jobasy úshinshi oqylymda talqyǵa shyǵarylady
ASTANA. 31 mamyr. QazAqparat - «Neke jáne otbasy týraly» Kodekstiń jobasy Májilistiń jalpy otyrysynda úshinshi oqylymda talqyǵa shyǵarylady.
Zań jobasyn qarap shyqqan Palatanyń Áleýmettik-mádenı damý komıteti osyndaı usynyspen shyǵyp otyr.
Depýtattardan zań jobasynyń kóptegen baptary boıynsha qosymsha usynystar men eskertpeler, sondaı-aq keıbir normalardy naqtylaý jáne olardy zań tehnıkasynyń erejelerine sáıkes keltirý jóninde jekelegen usynystar kelip túsken.
Barlyq usynystar salystyrma kestege engizildi, birneshe ret jumys tobynyń otyrystarynda talqylanyp, qaraldy.
Jobany úshinshi oqylymǵa ázirleý barysynda 50-den astam usynys tústi. Osy talqylaýlardyń qorytyndylary boıynsha salystyrma keste qabyldanǵan 393 pozıtsııadan turady.
Májilistiń jalpy otyrysynda Áleýmettik-mádenı damý komıtetiniń tóraıymy Dınar Nóketaeva baıandama jasaıtyny josparlanǵan.
