Negizsiz salyq tóleý týraly habarlama kelip tursa kaıda júginýge bolady
«Salyq tóleý tártibin, salyqtyq ákimshilendirý salasyn jeńildetip, tsıfrlandyrý úshin birshama baǵytta jumys júrgizip jatyrmyz. Osy ýaqytqa deıin ne tyndyrdyq? Birinshiden memlekettik organdardyń aqparattyq júıelerimen onlaın ıntegratsııa retke keltirildi. ıAǵnı qazirgi ýaqytta salyq organdary onlaın rejımde ózine qajetti málimetterdi ala alady. Sonymen qatar Memlekettik kirister komıtetiniń eSalyq mobıldi qosymshasy jumys istep tur», - dedi Memlekettik kirister komıteti tóraǵasynyń orynbasary Azamat Sadyqov tikeleı efırde sóılegen sózinde.
Onyń aıtýynsha atalmysh mobıldi qosymshada salyqtyq ámııan qyzmeti iske qosylǵan.
«Ol salyq tóleýshilerdiń kóptegen máselesin sheshe alady. Qazir salyq tóleý úshin mindetti túrde salyq organdary mekemesine barýdyń qajeti joq. Bul qosymshany uıaly telefondarǵa júktep alýǵa bolady. Sonymen qatar salyq ámııanyn toltyryp alý múmkindigi de bar. Sondaı-aq bul qosymsha qazirgi jáne aldaǵy salyqtyq mindetter týraly aqparat berip otyrady», - dedi ol.
Azamat Sadyqov Memlekettik kirister komıteti Ákimshilik polıtsııa qyzmetimen birge salyq ámııanynda kólik quraldary boıynsha málimetterdi túzeý servısi iske qosylǵanyn jetkizdi.
«Bul degenimiz ne? Іshki ister organdarynyń salyq týraly jibergen habarlamamen kelispegen jaǵdaıda salyq tóleýshi ýákiletti organǵa bul málimetti túzeý týraly habarlama joldaı alady. Ýákiletti organ ol aqparatty tekserip, shynynda da qatelik ketkenin anyqtasa, málimetterdi túzep, ol týraly habarlama bizge túsedi. Tıisinshi qaryz boıynsha málimet túzetiledi. Jyljymaıtyn múlik boıynsha málimetterdi túzeý servısi de osyndaı ádispen jumys júrgizedi», - dedi ol.
