Negizgi kapıtalǵa salynǵan ınvestıtsııalar kólemi 2009 jylǵy deńgeıden 4,8 paıyzǵa tómen boldy - J.Aıtjanova
eniń 27-si. QazAqparat /Rýslan Ǵabbasov/ - Negizgi kapıtalǵa salynǵan ınvestıtsııalar kólemi 2009 jylǵy deńgeıden 4,8 paıyzǵa tómen boldy. Bul týraly búgin jartyjyldyqtyń qorytyndysyna arnalǵan Úkimet otyrysynda Ekonomıkalyq damý jáne saýda mınıstri Janar Aıtjanova málim etti.
«Esep berip otyrǵan kezeńde negizgi kapıtalǵa salynǵan ınvestıtsııalar kólemi 2009 jylǵy deńgeıden 4,8 paıyzǵa tómen boldy. Buǵan shetel ınvstorlary men nesıege alynǵan qarajattar esebinen júzege asyrylatyn ınvestıtsııalar kóleminiń qysqarýy sebep boldy», - dep atap ótti mınıstr.
Osyǵan baılanysty J.Aıtjanova shetel ınvestıtsııalarynyń úlesi 2009 jyly 42,6 paıyzdan 27,6 paıyzǵa, sondaı-aq nesıege alynǵan qarjylar 9,8 paıyzdan 7,4 paıyzǵa deıin tómendegenin atap ótti.
«Investıtsııalar kólemi óńdeý ónerkásibi, saýda, kólik, qoıma, qarjy jáne saqtandyrýda ótken jyldyń birinshi jartysymen salystyrǵanda tómen boldy. Óz kezeńinde jalpy ınvestıtsııa quramynda kásiporyndarynyń óz qarajattarynyń úlesi artyp, 45 paıyzǵa jetti. Esepti kezeńde ınvestıtsııalardyń aýyl sharýashylyǵynda 40,2 paıyzǵa, ónerkásipte 27,7 paıyzǵa, qurylysta 39,8 paıyzǵa, elektrenergııasy salasynda 54,8 paıyzǵa ósýi baıqaldy», - dedi vedomstvo basshysy.
