Negizdemesi jetkiliksiz bolsa, jańa ruqsattamalar shyǵarýǵa jol berilmeıdi - B. Jámishev
ASTANA. QazAqparat - Qazaqstanda endigide jetkilikti túrde negizdeme bolmasa, jańa ruqsattar shyǵarýǵa jol berilmeıdi. Bul týraly búgin Májiliste «Ruqsattar jáne habarlamalar týraly» zań jobasynyń tanystyrylymy barysynda málim boldy.
Óńirlik damý mınıstri Bolat Jámishevtiń aıtýynsha, úsh bólimnen turatyn zań jobasynyń qosymshasyna 736 qujat enip otyr, sonyń ishinde 703 ruqsat jáne 33 habarlama bar. Tutastaı alǵanda, zań jobasy arqyly elimizde jetkilikti negizdemesi jasalmasa, qandaı da bolmasyn jańa ruqsat berýlerdiń paıda bolýyna jol berilmeıdi.
«Sózsiz, aldaǵy ýaqytta elimizde ruqsattar sany azaıatyn bolady. Atap aıtqanda, kelesi jyldyń 1 qańtaryna deıin biz «Ózin-ózi retteıtin uıymdar týraly» zań jobasyn usynatyn bolamyz. Osyǵan oraı, ruqsat berý qyzmetiniń bir bóligi memleketten alynyp, bıznestiń ózine beriledi. Qysqartý negizinen osy turǵydan júzege asatyn bolady», - deıdi B. Jámishev.
Mınıstrdiń sózine qaraǵanda, eger usynylǵan zań jobasy qabyldanatyn bolsa, onyń negizinde ruqsattardy retteý áserine saraptama jasalady. «ıAǵnı, bul rette qoldanystaǵy qandaı da bolmasyn ruqsattar tıimsizdigi naqty aıqyndalsa, onda olar qysqartýǵa jatady», - dedi B. Jámishev.
