Nege júkti áıelderge aıaqty aıqastyryp otyrýǵa bolmaıdy?
ASTANA. QazAqparat - Júkti áıelderge aıaqty aıqastyryp otyrýǵa bolmaıdy degen tujyrym jıi aıtylady. Bul pikirdiń «sábıdiń aıaǵy qısyq, ne maımaq bolyp qalady» degen maǵynasyz túsindirmesinen ózge, júktilik kezinde aıaqty aıqastyryp otyrý varıkozǵa shaldyqtyrady degen de nusqasy bar... Sonymen, bul ýájder qanshalyqty ras?
Mamandardyń aıtýynsha, sońǵysy jaı sóz emes. Óıtkeni, Boston medıtsına ortalyǵynyń mamandary bolashaq analarǵa arnap jazǵan «A Guide to Pregnancy, Birth and Babies» broshıýrasynda akýsherler júkti áıelderdiń 7 men 9-shy aılar aralyǵynda aıaǵyn aıqastyryp uzaq otyrmaýǵa keńes beredi. Ekiqabat kezde deneniń massasy aýyrlap, isinip júretin bolǵandyqtan, venaǵa qosymsha aýyrtpalyq túsedi. Sol úshin tómengi jaqtyń qan aınalymy durys bolýy úshin múmkindiginshe aıaqty aıqastyryp otyrýdan aýlaq bolǵan jón.
Qoryta kelgende, júktilik kezinde (7-9 aılary) aıaqty aıqastyryp otyrý qan tamyrlarynyń keńeıýine soqtyrý múmkin.Ol kúıde otyrmaǵan abzal.
yvision.kz saıtynan alyndy.
