Nege qozǵalmaıdy, rezeńke qoltyraýyn shyǵar: Almaty zoobaǵy qaýesetke jaýap berdi
«Ol shyn qoltyraýyn emes. Bul jaı rezeńke shyǵar». Almaty haıýanattar baǵyndaǵy eń iri baýyrymen jorǵalaýshy – kýbalyq qoltyraýyn Fıdel týraly kelýshiler osylaı deıdi, dep habarlaıdy QazAqparattilshisi.
Zoobaq qyzmetkerleriniń aıtýynsha, shynynda da, ol birneshe saǵat boıy qımyldamaı, qozǵalyssyz jatady.
«Fıdel 1986 jyly týǵan, ol bizge 2001 jyly Latvııa eliniń Rıga qalasyndaǵy haıýanattar baǵynan ákelindi. Qazir 37 jasta jáne uzyndyǵy shamamen 2,5 metrge jetedi. Fıdeldiń ratsıonynda sıyr eti, taýyq eti jáne balyq bar. Fıdel aptasyna bir ret, keıde eki aptada bir ret qorektenedi. Sebebi, biz tamaq únemdeıtindikten emes, ol apta boıy qozǵalyssyz jatyp, jegenin qorytady»,- dep atap ótti zoobaqtan.
Tabıǵatta qoltyraýyndar az qozǵalatyn ómir saltyn ustanady jáne kúndelikti qorektenbeıdi.
«Mundaı sátterin bizge kelýshiler sýda nemese jaǵalaýda toıymdy túski astan keıin jıi kóredi. Qoltyraýyndar tamaqty kúndelikti jep, shamadan tys qorektenetin bolsa ol semirip, júrek, qan tamyrlary men asqazan-ishek joldarynyń aýrýlary paıda bola bastaıdy. Qoltyraýyndy uzaq baqylap, oǵan qarap tursań anda-sanda kózin ashyp-jumyp, aýzyn qatty ashyp, jaýyp turatynyn kórýge bolady»,-deıdi mamandar.
Almaty haıýanattar baǵynda qoltyraýyndardyń úsh túri bar: kýbalyq, sıamdyq jáne Kaıman qoltyraýyny.
Biraz kúnde olar jyly ári jaıly qysqy turaqtaryna ornalastyrylady.
Posmotret etý pýblıkatsııý v Instagram
