NEET sanatyndaǵy jastar kóp óńirlerde kolledjderge bólinetin grant azaıǵan
«Memleket basshysynyń tegin tehnıkalyq jáne kásiptik bilimmen 100 paıyz qamtý týraly tapsyrmasyn iske asyrý aıasynda memlekettik tapsyrys respýblıkalyq bıýdjet esebinen 45 myń orynǵa ulǵaıtylyp, bıyl rekordtyq 128 myń oryndy qurap otyr», - dedi mınıstr.
Ashat Aımaǵambetovtiń aıtýynsha, birinshi kezekte tehnıkalyq baǵyttaǵy suranysqa ıe mamandyqtar boıynsha 9-synyp túlekterin kolledjderde tegin qamtý josparlanǵan.
«Biraq NEET jastar sany kóp óńirlerde jergilikti bıýdjet esebinen bólinetin granttardyń azaıǵany baıqalady. Sondyqtan jergilikti bıýdjetten granttarǵa bólinetin qarajattyń azaıýyna oraı respýblıkalyq bıýdjetten qosymsha grant bólýge májbúr boldyq. Sondyqtan jergilikti atqarýshy organdardy osy máseleni baqylaýǵa alýdy ótinemin. Áli qabyldaý júrip jatyr, osy máselege kóńil bólýlerińizdi suraımyn», - dedi ol.
