Nebraska shtatyndaǵy orman órti 324 myń gektar jerdi sharpydy
ASTANA. KAZINFORM – AQSh-tyń Nebraska shtatynda 12 naýryzdan beri jalǵasyp jatqan orman órtteri shamamen 324 myń gektar aýmaqty joıdy, dep habarlaıdy Anadolu Ajansı.
AQSh Aýyl sharýashylyǵy mınıstri Brýk Rollınstiń málimetinshe, onyń ishinde shamamen 259 myń gektar jer Morrıll aýdanynda órtengen.
Nebraska shtatynyń tótenshe jaǵdaılar jónindegi agenttigi (NEMA) Morrıll aýdanyndaǵy órttiń 98 paıyzy, al Kottonvýd aýdanyndaǵy órttiń 96 paıyzy aýyzdyqtalǵanyn habarlady.
Vedomstvonyń málimetinshe, aýa temperatýrasynyń joǵary bolýy, qurǵaqshylyq jáne jel jyldamdyǵynyń ózgerýi órttiń qaıta kúsheıý qaýpin saqtap otyr. Qazirgi ýaqytta tilsiz jaýmen kúreske 453 qyzmetker jumyldyrylǵan.
Nebraska shtatynyń gýbernatory Djım Pıllen órt saldarynan bir adamnyń qaza tapqanyn málimdedi.
Mamandar bul órtter Nebraska shtaty tarıhyndaǵy eń iri tabıǵı apattardyń biri bolýy múmkin ekenin aıtady.
Eske salaıyq, buǵan deıin Ońtústik Koreıadaǵy órtten 50-den astam adam zardap shekkeni habarlandy.