Nebári 12 jastaǵy brıtandyq qyz Eınshteın men Hokıngti basyp ozdy
ASTANA. QazAqparat - Brıtandyq mektep oqýshysy Nıkol Barr óziniń 12 jasynda Jer júzindegi eń aqyldy adamdardyń qataryna engendigin málimdedi.
Onyń aqyl-parasatynyń koefıtsıenti búginde 162-ge teń. Bul kórsetkish adamzattyń danyshpandary Albert Eınshteın men Stıven Hokıngten de joǵary. Qyz bala olardy eki balǵa basyp ozdy.
Onyń ata-anasy test nátıjesin jarııalady. Nıkoldiń anasy Mollı Baklend qyzynyń qaı jumysty bolmasyn, jan-tánimen berile atqaratyndyǵyn aıtady. Ol óskende dáriger bolýdy armandaıdy eken.
Ákesi Djeıms Barr kireberis joldardy jóndeýmen aınalysady.
Aıta keteıik, eresek adamnyń aqyl-parasatynyń ortasha deńgeıi 100 balǵa teń. Eger kórsetkish 140-tan assa ony danyshpan deýge bolady. Nıkol Barr test nátıjesine sener-senbesin bilmeı, qatty tańyrqaýda, dep jazady planet-today.ru.
