NBP International Awards: Jabaıy tabıǵattyń úzdik fotosýretteri jarııalandy
ASTANA. KAZINFORM — Jyl saıyn talantty fotograftar janýarlar men tabıǵattyń sulýlyǵyn olardyń tabıǵı ortasynda kórsetetin erekshe kadrlarmen bólisip keledi, dep habarlaıdy AZERTADJ.

Nature Best Photography (NBP) halyqaralyq baıqaýy úzdik fotograftardyń eńbegin baǵalap, Jer betindegi tirshiliktiń ǵajap sátterin sheberlikpen beınelegen jumystardy marapattaıdy.

Baıqaý saıtynda habarlanǵandaı, bıylǵy qorytyndy jarııalanar aldynda NBP ókilderi Jerdiń kúshin, sulýlyǵyn jáne tirshilik ıeleriniń alýan túrliligin kórsetetin úzdik fotosýretterdi usyndy.

Aıta keteıik, ótken jyly bas júldeni Mangesh Ratnakar Desaı Tough Lesson («Qıyn sabaq») atty fotosýretimen jeńip alǵan bolatyn.

Sonymen qatar, Alberto Roman Gomes «Jyldyń jas fotografy» atansa, ózge jeńimpazdar «Janýarlar áreketi», «Tabıǵattaǵy óner», «Qustar», «Tabıǵatty qorǵaý», «Peızajdar», «Muhıt kórinisteri», «Ashyq aýadaǵy shytyrman oqıǵalar» jáne «Jabaıy tabıǵat» sekildi birneshe atalym boıynsha marapattaldy.

Bul premııa — jabaıy tabıǵat pen qorshaǵan ortanyń kórkem beınesin túsirýdegi sheberlik pen shyǵarmashylyqty baǵalaıtyn halyqaralyq deńgeıdegi bedeldi baıqaý.

Osyǵan deıin elimizde ań-qustyń 132 túriniń joǵalý qaýpi bar ekeni anyqtaldy.