«Nb (nıobıı)» kollektsııalyq monetalary satýǵa shyǵaryldy
ASTANA. KAZINFORM — Ulttyq banki «Qazaqstannyń jer qoınaýy» serııasynan «Nb (nıobıı)» kollektsııalyq monetasyn aınalysqa shyǵarady.
Kollektsııalyq monetalar 2026 jylǵy 12 qazannan bastap QUB ınternet-dúkeni arqyly satylady.
Nıobıı – sırek kezdesetin metall, atom nómiri – 41. Ol metallýrgııada, elektronıkada, sondaı-aq aeroǵarysh pen atom ónerkásibinde qoldanylady. Moneta ataýy ejelgi grek mıfologııasynyń keıipkeri jáne Tantaldyń qyzy Nıobanyń esimimen atalady.
925 synamaly kúmisten jasalǵan monetaǵa nıobıı ornatylǵan. Salmaǵy – 32,8 gramm (925 kúmisiniń salmaǵy – 31,1 gramm, nıobıı elementiniń salmaǵy – 1,7 gramm), dıametri – 38,61 mm, daıyndaý sapasy – rroof, nomınaly – 1 000 teńgelik, taralymy – 1 000 (bir myń) dana.
Kollektsııalyq monetalar Qazaqstan Respýblıkasynyń búkil aýmaǵynda óziniń belgilengen qunyna saı tólemniń barlyq túri boıynsha, sondaı-aq eldegi barlyq bankte bank shotyna esepke alýǵa, aýdarýǵa, usaqtaýǵa jáne aıyrbastaýǵa jatady.
Monetalar Qazaqstan teńge saraıynda daıyndaldy.
Aıta ketelik «Qozy Kórpesh – Baıan Sulý» kollektsııalyq monetalary aınalymǵa shyǵatyny týraly jazǵan edik.
