Nazym Qyzaıbaıdyń jeke bapkeri bir jylǵa jumysynan shettetildi
ASTANA. QazAqparat - Eki dúrkin álem chempıony Nazym Qyzaıbaıdyń jeke bapkerin Qazaqstandyq boks federatsııasynyń bapkerlik keńesinen 1 jylǵa shyǵardy, sondaı-aq Jumabek Ómirzaqovqa jarystar men jıyndardy qosa alǵanda, QBF jáne AIBA aıasynda ótetin qandaı da bir sharalarǵa qatysýǵa tyıym saldy.
Budan basqa, bapker álem chempıonatynyń barlyq júldergerleriniń jeke tálimgerleri alatyn syılyqtan qaǵyldy.
Bul sheshim 15 maýsymda Astanada Qazaqstan boks federatsııasy atqarýshy komıteti bıýrosynyń otyrysynda qabyldandy. Buǵan onyń qazaqstandyq jańalyqtar portalynyń birine bergen suhbatyndaǵy bapkerlik keńes sheshimin synaýy, «qysym kórsetti» dep shaǵymdanǵany jáne Astanada ótken álem chempıontanyndaǵy «sumdyq jaǵdaılar» bolǵanyn málimdegeni sebep boldy.
«Bul suhbat jarııalanǵannan keıin biz Ómirzaqovqa tergeý júrgizý úshin onyń aıyptaýyna dálel berýdi ne joqqa shyǵarýdy usyndyq. Eshbir dálel usynbady, osydan-aq onyń málimdemesi bos áńgime ekenin baıqaýǵa bolady. QBF tipti eki dúrkin álem chempıonynyń bapkeri bolmaq túgil kim bolsa da, mundaı jaǵdaıǵa beı-jaı qarap otyrmaıdy, óz bedelin qorǵaıdy», - dedi boks boıynsha memlekettik bapker Bolat Ábdirahmanov.
