Nazym Qyzaıbaı japondyq boksshydan jeńildi

ASTANA. QazAqparat - QR Prezıdenti Kýbogy úshin bokstan Halyqaralyq týrnırdiń jartylaı fınaly bastaldy. Alǵashqy jekpe-jekte eki dúrkin álem chempıony Nazym Qyzaıbaı japondyq Namıkı Tsýkýmımen kezdesti, dep xabarlaıdy QazAqparat tilshisi.

Nazym Qyzaıbaı óz qarsylasynan jasy jaǵynan da, boıy jaǵynan da úlken bolsa, alǵashqy raýndta qorǵanyp júrip bokstasty. Al japondyq qyzdyń jyldam soqqylary dittegen jerine jetip jatty. Alaıda Nazym Qyzaıbaı da qarap qalmady. Sáti túskende djebterin de, krosstaryn da sheber iske asyra bildi. Biraq japondyq boksshy óz shabýyldaryn báseńdetpedi, únemi qysym jasap júrdi. Ekinshi raýndta Namıkı Tsýkýmı óz shabýyldaryn jalǵastyrdy. Biraq qazaqstandyq boksshy qyzdyń qorǵanysy bekem, qarymta shabýyldary jaqsy ótti. Úshinshi raýnda eki boksshy da belsendi qımyldap, kezek-kezek soqqy jasap júrdi.

Tóreshiler sheshimimen japondyq boksshy jeńiske jetip, eki dúrkin álem chempıonyn jolda qaldyrdy. Jalpy esep - 2:3. Nazym Qyzaıbaı qola júldeger atandy.