Nazym Qyzaıbaı: Sharshy alańdaǵy árbir jeńisimdi Elbasyǵa arnaımyn
ASTANA. QazAqparat - Qazaqstandaǵy árbir sportshynyń jeńisi - bul osyǵan jaǵdaı jasap otyrǵan Elbasynyń jeńisi. Búgin Aqordada QR Prezıdenti Nursultan Nazarbaevpen «Kóktem shýaǵy» atty kezdesýi barysynda Qazaqstan áıelder boksynyń tarıhyndaǵy tuńǵysh álem chempıony Nazym Qyzaıbaı osylaı aıtty.
«Qazaqstannyń Ánurany oınap, Kók baıraǵymyz kókke kóterilgende men osynyń bári elim, Elbasym úshin dep bildim. Shyndyǵynda, Qazaqstandaǵy árbir sportshynyń jeńisi - bul bizdiń alańsyz sportpen aınalysýǵa barlyq jaǵdaıdy jasaǵan Elbasynyń jeńisi. Sondyqtan da, sharshy alańdaǵy árbir jeńisimdi Sizge arnaımyn», - dedi N. Qyzaıbaı.
Sondaı-aq, N. Qyzaıbaı aldaǵy sport dodalarynda elimiz úshin eńbek etip, barlyq kúsh-jigerin salýǵa ýáde etti. «Shynymdy aıtsam, qyzdardyń boksqa shyǵyp, ziltemir kótergenin sonshalyqty unata qoımaımyn. Biraq, qazir bári de birdeı bolyp jatyr ǵoı. El namysy degen bar. Talantyń bolǵannan keıin sen osy jasyńda bıikti baǵyndyryp otyrsyń. Tabysty bol», - dedi N. Nazarbaev sportshyǵa aq jol tilep.
