Nazym Qyzaıbaı: Qazir Golovkınniń óte qýatty shaǵy, Mıýrreıdiń jeńiske jetýi ekitalaı
ASTANA. QazAqparat - Qazaqstan tarıhyndaǵy bokstan qyzdar arasyndaǵy álem chempıony Nazym Qyzaıbaı Gennadıı Golovkın kez kelgen qarsylaspen básekelese alady dep esepteıdi.
«Barlyǵymyz Gennadıı Golovkın men Martın Mıýrreı jekpe-jegin taǵatsyzdana kútip otyrmyz. Qazir Gennadıı óte myqty jáne kez kelgen qarsylasymen kúsh synasa alady. Meniń oıymsha, Mıýrreıdiń jeńiske jetý múmkindigi az. Boksshymyzdyń jankúıeri bolaıyq. Taǵy bir márte onyń jeńisin toılaımyz dep oılaımyn», - dedi Nazym.
Eske sala keteıik, Nazym Qyzaıbaı 2014 jyly Koreıada ótken synda áıelder arasynda bokstan álem chempıony atanǵan. QR Mádenıet jáne sport mınıstrligi ony ótken jyldyń qorytyndysy boıynsha on úzdik sportshynyń qataryna engizdi, dep jazady boxingnews.kz.
