Nazym Qyzaıbaı: Fınalda kórermenderdiń qoldaýy kómektesti
ASTANA. QazAqparat - 48 keliden artyq salmaq dárejesinde rıngke shyǵatyn Nazym Qyzaıbaı eki dúrkin álem chempıony atandy. Aqtyq jekpe jekte ol qytaılyq ıAn Vangty jeńdi.
Qazaqstandyq boks federatsııasyna bergen suhbatynda Nazym óz áserimen bólisti:
- Eń joǵarǵy kórsetkishti kórsetýge tyrystym, - dedi Nazym Qyzaıbaı. - Buryn da álem chempıony ataǵyn utyp alǵanmyn. Alaıda óz alańymyzda ekinshi márte úzdik atanǵanyma qýanyshtymyn. Qytaılyq qarsylasym myqty boldy, alaıda men ony zerttep aldym. Der kezinde kúshimdi jumsaı bildim.
Tórt kezeń qatarynan jankúıerlerińiz qoldaý kórsetti. Sonyń kómegi tıdi me?
- Árıne, ol maǵan qosymsha kúsh-qýat berdi. Aldaǵy ýaqytta da olardy jetistikterimmen qýantýǵa tyrysamyn.
Qazaqstandaǵy áıelder boksyna nazar aýdara bastaǵanyn sezdińiz be?
- Álbette, óıtkeni Astanada ótken bul álem chempıonaty eldegi áıelder boksynyń damýyndaǵy úlken qadam. Kórermenderdiń kóńili toldy dep úmittenemin.
Týrnırdi uıymdastyrý deńgeıin qalaı baǵalaısyz?
- Bul áıelder arasyndaǵy chempıonattyń eń úzdigi dep oılaımyn. Bizdiń elimiz aýqymdy jarystardy uıymdastyrýǵa qaýqarly ekenin taǵy bir márte dáleldedi. Týrnırde barlyǵy búge-shúgesine deıin oılastyrylǵan. Doda qonaqtary álem chempıonatynyń uıymdastyrý deńgeıin kórip tańdandy dep sanaımyn.
Erbol Qaıyrov
