Nazym Qyzaıbaı álem chempıonatynda jarys jolynan shyǵyp qaldy

YSTANBUL. QazAqparat - Bokstan áıelder arasyndaǵy álem chempıonatynda búgin, 12 mamyrda qazaqstandyq Nazym Qyzaıbaı jarys jolynan shyǵyp qaldy, dep habarlaıdy QazAqparat.

Álem chempıonaty Túrkııanyń Ystanbul qalasynda ótip jatyr. Jarysta qazaqstandyq Nazym Qyzaıbaı (50 keli) kolýmbııalyq Ingrıt Valensııaǵa ese jiberip qoıdy.

Nazym Qyzaıbaı 1993 jyly 14 qyrkúıekte dúnıege kelgen. Buǵan deıin álem chempıonatynda 2014, 2016 jyldarda altyn medal alsa, 2012 jyly qola júldege qol sozdy.

Endi kúndizgi sessııada Dına Jolaman (54 keli) ıspanııalyq Marııa Madýeno Kondemen, Rımma Volosenko (60 keli) anglııalyq Shona Ýıtýellmen jekpe-jekke shyǵady.

Keshki sessııada Darıǵa Shákimova (66 keli) ózbekstandyq Navbahor Hamıdovamen kezdesedi.

Álem chempıonatyna elimizdiń atynan 12 boksshy bardy.

Olardyń qatarynan Aıda Ábikeeva (63 keli) men Nadejda Rıabets (75 keli) qarsylastaryna ese jiberip qoıdy.

Álem chempıonaty 20 mamyrda máresine jetedi.