Nazym Qyzaıbaıdyń esiginiń aldyna asfalt tóselip jatqany ras pa
ALMATY. KAZINFORM – Nazym Qyzaıbaıdyń úıiniń aldyndaǵy bordıýrler aýystyrylyp, asfalt tóselip jatyr degen aqparat tarady. Almaty oblysy ákimdigi onyń shyndyqqa janaspaıtynyn málimdedi.
Áleýmettik jelilerde bokstan QR eńbek sińirgen sport sheberi Nazym Qyzaıbaı turatyn Qarasaı aýdany Іrgeli aýylynyń kósheleri jańartylyp jatyr degen beınerolık tarady.
Osyǵan baılanysty Almaty oblysy ákimdigi túsinik berdi.
«Aqparat jalǵan jáne shyndyqqa janaspaıdy. Turǵyndardy tek resmı aqparat kózderine senýge shaqyramyz»,- dep habarlady ákimdikten.
Eske salaıyq, 50 keli salmaqta otandasymyz jartylaı fınalda qytaılyq Vý ıÝmen qolǵap túıistirip, tóreshiler sheshimimen utyldy.
Degenmen Olımpıada oıyndarynyń qola júldesin qanjyǵasyna baılady.
Nazymnyń bul júldesi — el qorjynyna túsken úshinshi qola medal.
