Nazym Qyzaıbaı úsh dúrkin álem chempıony atana ala ma
ASTANA. KAZINFORM – Serbııanyń Nısh qalasynda 9-16 naýryz aralyǵynda bokstan áıelder arasyndaǵy kezekti álem birinshiligi ótedi. Atalǵan dodada Qazaqstan áıelder quramasynan 12 boksshy el namysyn qorǵamaq.
Osy oraıda atalǵan chempıonatta medaldan basty úmitker boksshylarymyz týraly qysqasha atap ótkendi jón sanadyq.
Serbııada ótetin áıelder arasyndaǵy álem chempıonatynda 5 arýymyz ózderiniń alǵashqy debıýtin jasaıtyn bolsa, ózge boksshylarymyzdyń aldy 7-shi ret jahandyq dodada synǵa túsýge múmkindik alyp otyr.
Naqtyraq aıtsaq, 48 keli salmaqta Nazym Qyzaıbaı osyǵan deıin 2012, 2014, 2016, 2019, 2022, 2023 jyldary álem birinshiliginde baq synap, sonyń ekeýinde chempıondyq ataqqa qol jetkizip, bireýinde qola júldeger atandy. Mine, bıyl qazaq qyzdary arasynda tuńǵysh ret úsh dúrkin álem chempıony ataǵyna qol jetkizýdi kózdep otyr.
Nazym Qyzaıbaı ótken jyly Parıj Olımpıadasynda qola medal jeńip alǵan bolatyn.
50 keli salmaqta el namysyn qorǵap júrgen Alýa Balqybekova osyǵan deıin álem birinshilignde 3 márte (2019, 2022, 2023) baq synap kórgen. Ol 48 keli salmaqta 2022 jáne 2023 jyldary álem chempıonatynyń kúmis, qola júldesin ıelengen. Endi, mine bıyl tórtinshi ret taǵy da jahandyq jarysqa attanyp barady.
54 keli salmaqta synǵa túsip júrgen taǵy bir burymdy boksshymyz Jaına Shekerbekova da osyǵan deıin 5 márte (2012, 2016, 2018, 2022, 2023) álem birinshiginde el namysyn qorǵady. 35 jastaǵy jerlesimiz 3 márte álem chempıonatyda júldegerler qataryna kirgen. Qazirgi sátte de el ishinde óz salmaǵynda úzdik ekenin dáleldep keledi. Mine, bıyl altynshy álem chempıonatyna qatyspaq.
57 keli salmaqta synǵa túsip júrgen taǵy bir burymdy boksshymyz Karına Ibragımova osyǵan deıin 3 márte (2018, 2022, 2023) álemdik básekede baq synap, barlyǵynda júldegerler qatarynan kóringen. Mine, bıyl 4-márte álem chempıonatyna attanbaq.
Aıta keteıik, Karına Ibragımova ótken jyly Parıj Olımpıadasyna qatysty. Ókinishke qaraı Olımpıadanyń júldesi buıyrmady.
63 keli salmaqta synǵa túsip júrgen boksshymyz Aıda Ábikeeva osyǵan deıin eki ret (2022, 2023) álem birinshiliginde synǵa túsken. Mine, bıyl úshinshi ret atalǵan dodada baq synamaq.
75 keli salmaqta taǵy bir otandasymyz Nadejda Rıabetste osyǵan deıin 2 márte (2022, 2023) el chempıonatynda el namysyn qorǵady. Sońǵy birinshilikte qola júldeger atanyp qaıtqan bolatyn. Sonymen qatar Nadejda Rıabetst Tokıo Olımpıadasynda el namysyn qorǵaǵanyn da aıta keteıik. Mine, bıyl ol úshinshi ret taǵy da álemdik dodaǵa attanyp barady.
81 keli salmaqta Gúlsaıa Erjan osyǵan deıin 2022 jyly álem birinshiliginde synǵa túsken bolatyn. Bul onyń ekinshi jahandyq dodasy bolmaq.
Al 52 keli salmaqta Anıta Adısheva, 60 kelide Vıktorııa Grafeeva, 66 kelide Jasmın Qızatova, 70 kelide Natalıa Bogdanova jáne +81 keli salmaqta Eldana Talıpova álem chempıonatyna alǵash ret qatyspaq.
Esterińizge sala keteıik, osyǵan deıin atalǵan álem birinshiliginde el namysyn kimder qorǵaıtyny týraly jazǵan bolatynbyz.
Álem chempıonatynda el namysyn qorǵaıtyn Qazaqstan qurmasy:
48 keli. Nazym Qyzaıbaı
50 keli. Alýa Balqybekova
52 keli. Anıta Adısheva
54 keli. Jaına Shekerbekova
57 keli. Karına Ibragımova
60 keli. Vıktorııa Grafeeva
63 keli. Aıda Abıkeeva
66 keli. Jasmın Kızatova
70 keli. Natalıa Bogdanova
75 keli. Nadejda Rıabets
81 keli. Gýlsaıa Erjan
+81 keli. Eldana Talıpova.