Nazym Qyzaıbaı Parıj Olımpıadasynyń jartylaı fınalyna shyqty
PARIJ. KAZINFORM – Frantsııa astanasy Parıj qalasynda ótip jatqan Olımpıada oıyndarynda bokstan áıelder arasynda Nazym Qyzaıbaı shırek fınalda qarsylasyn jeńip, jartylaı fınalǵa shyqty.
50 keli salmaqta el namysyn qorǵaǵan otandasymyz shırek fınalda Kolýmbııa boksshysy Karolaın Barbozamen qolǵap túıistirdi. Bul kezdesýde Nazym Qyzaıbaı aıqyn basymdylyqpen jeńiske jetti.
Esterińizge sala keteıik, Nazym Qyzaıbaı birinshi jekpe-jeginde Italııa boksshysy Djordana Sorrentınony jarys jolynan taıdyrsa, ekinshi aıqasynda brazılııalyq qarsylasy Karolın Barboza de Almeıdany 5:0 esebimen utyp, shırek fınalǵa shyqqan bolatyn.
Bul – Nazym Qyzaıbaıdyń alǵashqy Olımpıadasy. Ol osyǵan deıin álem chempıonatynda 2 ret top jaryp, 1 ret úzdik úshtikti túıindegen. Sondaı-aq Azııa chempıony atanǵan.