Nazym Qyzaıbaı Qytaıdaǵy Álem kýbogynyń jeńimpazy atandy
ASTANA. KAZINFORM — Qazaqstandyq boksshy, úsh dúrkin álem chempıony Nazym Qyzaıbaı Álem kýbogynyń altyn júldesin jeńip aldy, dep habarlaıdy Sportty damytý dırektsııasynyń baspasóz qyzmeti.
3 dúrkin álem chempıony, 54 kelige kóterilgen Nazym Qyzaıbaı fınalda Sırıne Charaabımen (Italııa, Álem chempıonatynyń 2 márte júldegeri) ózara úzdikti anyqtady.
Otandasymyz 3 raýndta da basym bolyp, 4:1 esebimen jeńiske jetti.
Aıta keteıik, Nazym Qyzaıbaı 2025 jyly Astanada ótken Álem kýbogynda 48 kelide top jarǵan bolatyn.
Otandasymyzdyń jarystaǵy joly:
½ fınal.
Natnıcha Chongprongklang — 3:2
¼ fınal.
Vıktorııa Rogalınska (Polsha) — 5:0
1/8 fınal.
Im E Djı (Parıj Olımpıadasynyń qola júldegeri) — 4:1
Budan buryn Álem kýbogynda qazaqstandyq boksshylar fınalda kimdermen kezdesetinin jazǵanbyz.
