Nazym Qyzaıbaı qazaqstandyq boksshylardan alǵash ret úsh dúrkin álem chempıony atandy

ASTANA. KAZINFORM – Serbııanyń Nısh qalasynda áıelder arasynda bokstan ótip jatqan álem chempıonatynda Nazym Qyzaıbaı jeńimpaz atandy.

Qazaqstandyq boksshy 48 kelige deıingi salmaqta reseılik ıÝlııa Chýmgalakovadan úsh raýnd boıy aılasyn asyrdy.

Tóreshiler jeńisti biraýyzdan Nazymǵa berdi – 5:0.

Osylaısha, Nazym Qyzaıbaı qazaqstandyq boksshylardan alǵash ret úsh dúrkin álem chempıony atanyp, tarıhqa endi. Buǵan deıin erler arasynda da eshkim mundaı tabysqa jetken emes.

Budan buryn Nazym álem birinshiliginde 2014 jáne 2016 jyldary top jarǵan edi. Sondaı-aq ol 2021 jyly Azııa chempıony atanyp, Parıj Olımpıadasynda qola júldege qol jetkizdi.

Eske sala keteıik, budan buryn álem chempıonatynda qazaqstandyq 4 boksshyǵa syıaqy tabystalǵanyn jazǵan bolatynbyz.