Nazym Qyzaıbaı álem kýbogynda polshalyq boksshydan esesin qaıtardy
ASTANA. KAZINFORM - Qytaıdyń Gýııan qalasynda ótip jatqan Álem kýbogynda búgin, 18 maýsymda el quramasynan Nazym Qyzaıbaı jarysty jalǵastyrýǵa múmkindik aldy.
3 dúrkin álem chempıony, 54 kelige kóterilgen Nazym Qyzaıbaı shırek fınalda Polsha boksshysy Vıktorııa Rogalınskamen taǵy da kezdesti.
Otandasymyz alǵashqy raýndtan-aq basymdyqty qolǵa alyp, sheberlik jaǵynan áldeqaıda basym ekendigin dáleldeı bildi. Qorytyndy esep: 4:1.
Aıta keteıik, Nazym Qyzaıbaı 2 aı buryn Brazılııada ótken Álem kýbogynyń birinshi kezeńinde dál osy Polsha ókiline jol bergen bolatyn.
Aıta ketsek, budan buryn 2025 jylǵy Qazaqstan chempıony Sanatáli Tóltaev (65 keli) ekinshi aınalymda Anglııa sportshysy Patrıs Mýgalzaımen ózara myqtyny anyqtady. Úsh raýndqa jalǵasqan básekede tóreshiler 5:0 esebimen Anglııa boksshysyn jeńimpaz dep tanydy.
Sondaı-aq búgin el quramasynan 2 dúrkin álem chempıony, 51 kelidegi Alýa Balqybekova 1/8 fınalda Venesýela ókili
Irısmar Kardozomen jolyqty.
Otandasymyz jekpe-jekte qorǵanys pen shabýylda da nátıjeli qımyldap, 4:1 esebimen basym tústi.
