Nazgúl Hatepova QR aýyl sharýashylyǵy vıtse-mınıstri bolyp taǵaıyndaldy
ASTANA. KAZINFORM — Qazaqstan Respýblıkasy Úkimetiniń qaýlysymen Nazgúl Hatepova aýyl sharýashylyǵy vıtse-mınıstri qyzmetine taǵaıyndaldy.
Nazgúl Hatepova 1990 jyly Batys Qazaqstan oblysynda dúnıege kelgen.
Jáńgir han atyndaǵy Batys Qazaqstan agrarlyq-tehnıkalyq ýnıversıtetin, M.Dýlatı atyndaǵy Taraz memlekettik ýnıversıtetin bitirgen. QR Prezıdenti janyndaǵy Memlekettik basqarý akademııasyn támamdap, bıznes jáne basqarý magıstri dárejesin aldy.
2012 jyldan 2021 jylǵa deıin QR Aýyl sharýashylyǵy mınıstrligi qurylymynda menedjer, sarapshy jáne bas sarapshy bolyp jumys istedi.
2021-2022 jyldary — QR Aýyl sharýashylyǵy mınıstrligi aýyl sharýashylyǵy ónimderin sertıfıkattaý basqarmasynyń basshysy.
2022-2025 jyldary — QR Aýyl sharýashylyǵy mınıstrligi agrarlyq azyq-túlik naryqtary jáne aýyl sharýashylyǵy ónimin qaıta óńdeý departamentiniń dırektory.
2025 jyldyń qańtar aıynan bastap qazirgi ýaqytqa deıin QR aýyl sharýashylyǵy mınıstrligi, eginshilik departamentiniń dırektory bolyp jumys istedi.
Eske salaıyq, buǵan deıin Erjan Toqtaǵulov Mádenıet jáne aqparat vıtse-mınıstri bolyp taǵaıyndalǵanyn habarlaǵan edik.
