Nazgúl Boranbaeva bokstan Álem chempıonatynyń qola júldegeri atandy
; ALMATY. Qyrkúıektiń 18-i. QazAqparat /Erlik Erjanuly/ - Barbodosta bokstan áıelder arasynda ótip jatqan Álem chempıonatynda astanalyq Nazgúl Boranbaeva qola júldeger atandy.
Jartylaı fınalda rýmynııalyq Stelıýta Dýtege 10:5 esebimen ese jibergen Nazgúl Boranbaeva (48 kg) Álem chempıonatynyń qola júldesin ıelendi. Al altyn medaldiń ıegeri Stelıýta Dýte men úndistandyq Marı Kom arsyndaǵy jekpe-jekte belgili bolady. Mundaı mártebege 81 keli salmaqta baq synaıtyn qazaqstandyq Marına Volnova da ıe boldy. Jartylaı fınalda eki birdeı bıylǵy Azııa chempıondary kezdesip, onda qytaılyq ıAnrýı Vang 7:12 esebimen Marınadan jeńilis tapty. M. Volnovanyń endigi qarsylasy jartylaı fınalda vengrııalyq Tımea Nagıdan basym túsken brazılııalyq Roselı Feıtosa bolmaq. Marına da, Roselı de Álem chempıonatynyń aqtyq synynda baq synaǵaly otyrǵan óz elderiniń eń sońǵy úmitteri sanalady. Jalpy bul dúbirli dodada Álem chempıony ataǵy úshin 13 eldiń ókilderi ǵana ıe bolyp otyr. Onyń tórteýi - qytaılyq, al úsheýi reseılik boksshylar.
