Nazerke Nurǵalı dúnıejúzilik shahmat olımpıadasynda júlde enshiledi

QYZYLORDA. QazAqparat - Qyzylordalyq jas shahmatshy Nazerke Nurǵalı Túrkııanyń Chorým qalasynda ótken 16 jasqa deıin jasóspirimder arasynda dúnıejúzilik shahmat olımpıadasynan tabysty oraldy, dep habarlaıdy QazAqparat tilshisi.

Dúbirli bəsekede ol qyzdar jáne uldar arasynda da synǵa tústi. Nátıjesinde qyzdar arasynda kúmis, uldar arasynda qola júlde jeńip aldy. Shveıtsar júıesi boıynsha ótkizilgen jarysta Nazerke 8 oıynnan 6,5 upaı jınady. Aıta keteıik, jas shahmatshy dúnıejúzilik olımpıadaǵa alǵash ret qatysqanyna qaramastan osyndaı tolaıym tabysqa kenelip otyr.

Jas shahmatshy endi Pavlodarda ótetin halyqaralyq týrnırge oblys qurama komandasymen birge qatysady. Ol 17 qarasha-1 jeltoqsan aralyǵynda ótkiziledi.

Nazerke Nurǵalı shahmattan elimizdiń sport sheberi, FIDE-niń sport sheberi. Sondaı-aq, 10 dúrkin Qazaqstan, 2 dúrkin álem, 5 dúrkin Azııa chempıony atanǵan.