Nazerke Áripti óltirgen adam 21 jylǵa sottaldy
ASTANA. QazAqparat - 18 jastaǵy Nazerke Áripti óltirgen Qurban Ishakov 21 jyl qamaýda otyratyn boldy, dep habarlaıdy InAlmaty.kz.
Kisi óltirý áreketine qatysty sot otyrysy qylmystyq ister jónindegi mamandandyrylǵan aýdanaralyq sotynda jabyq rejımde ótti.
«Úkim shyqty, biz endi ony appelıatsııaǵa beremiz. Ol ótken joly da óziniń merziminiń sońyna deıin otyrǵan joq. Ony ózin jaqsy jaǵynan kórsetkeni úshin merziminen buryn bosatqan. Bul joly da solaı bolýy ábden múmkin»,-dedi Nazerkeniń anasy Sáýle Sarbaeva.
Sonymen qatar qyzdyń anasy aıyptalýshyǵa tek «Kisi óltirý» baby ǵana qoldanylǵanyn, al «Zorlaý» baby qoldanylmaǵanyn aıtty. Óıtkeni dálel joq.
Aıta keteıik, 18 jastaǵy qyz 10 shildede joǵalyp ketken bolatyn. Ol Almaty oblysyndaǵy Tuzdybastaý aýylynan shyǵyp ketip, qaıtyp oralmaǵan. 4 qyrkúıekte qyzdyń máıitin zırattar ornalasqan aımaqtan taýyp alǵan.
