Nazerke Áripti óltirdi degen kúdikpen Talǵar aýdanynyń turǵyny ustaldy
ALMATY. QazAqparat - Nazerke Áripti óltirdi degen kúdikpen Talǵar aýdanynyń 33 jastaǵy turǵyny ustaldy, dep habarlaıdy QazAqparat tilshisi.
Almaty qalasy men Talǵar arasynda kóligimen jolaýshy tasýmen aınalysatyn kúdikti óz kinásin tolyq moıyndaǵan.
Qalalyq ІІD baspasóz qyzmetiniń habarlaýynsha, tergeý-izdestirý toby Medeý aýdandyq ІІB qyzmetkerlerimen birige otyryp kúdiktini ustap, ony ýaqytsha oqshaýlaǵyshqa qamady.
Kúdikti Nazerkeni sol kúni qalaǵa jetkizip salmaq bolǵan.
Jarty jolda boıjetkendi zorlap, býyndyryp óltirip Keńsaı zıraty jaqqa aparyp tastaǵan.
«Ustalǵan adam óz kinásin moıyndap otyr. Tergeý amaldary jalǵasýda», - dedi qalalyq ІІD-niń basqarma basshysy Janbolat Zıadın.
Aıta ketý kerek, 10 shilde kúni 18 jastaǵy Nazerke Árip Tuzdybastaý aýylyndaǵy úıinen shyǵyp sol bette oralmaǵan . Keıin 6 qyrkúıekte Nazerkege uqsaıtyn qyzdyń denesi Keńsaı zıratynan tabyldy.
