Nazarbaevtyń esimin alyp tastaıdy degen aqparat jalǵan, Kókshetaýda ondaı jaǵalaý joq - ákimdik

KÓKShETAÝ. QazAqparat – Kókshetaýda Qopa kóliniń jaǵalaýyna Kákimbek Salyqovtyń esimi berilmekshi, dep habarlaıdy QazAqparat tilshisi.

Qala ákimdigi baspasóz qyzmetiniń málimetinshe, keıbir buqaralyq aqparat quraldarynda jarııalanǵan Nursultan Nazarbaev esimimen atalatyn jaǵalaýdyń ataýy Kákimbek Salyqov dep ózgeretini týraly aqparat shyndyqqa janaspaıdy.

Atalmysh jaǵalaýǵa Kákimbek Salyqovtyń esimi alǵash ret berilgeli tur.

«Kókshetaýda Qopa kóliniń Nazarbaev dańǵyly boıyndaǵy jaǵalaýyna tuńǵysh ret bizdiń kórnekti jerlesimiz, memleket qaıratkeri Kákimbek Salyqovtyń esimi beriledi. Qurmetti kókshetaýlyqtar! Onomastıkaǵa qatysty suraqtar týyndaǵan jaǵdaıda Kókshetaý qalasynyń mádenıet, tilderdi damytý, dene shynyqtyrý jáne sport bóliminiń resmı derekkózine ǵana júginýińizdi suraımyz», - dep túsindirdi qala ákiminiń baspasóz hatshysy Janna Abdrahmanova.

Kákimbek Salyqov - Qazaqstannyń eńbek sińirgen qaıratkeri, kórnekti aqyn, Halyqaralyq Q.Sátbaev qorynyń prezıdenti bolǵan.

Aıta ketsek, taıaýda Aqmola oblysyndaǵy birneshe aýyldyń ataýyn ózgertý usynylǵan edi.

Foto: kokshetaumaps.ru