Nazarbaevtyń árbir jańalyǵy úlken saıasat álemindegi erekshe oqıǵa - ázerbaıjan sarapshysy
BAKÝ. QazAqparat - Memleket basshysy Nursultan Nazarbaevtyń árbir jańalyǵy úlken saıasat álemindegi erekshe oqıǵa. Ol Eýrazııanyń ózindik kompasy ispettes. Elbasynyń «Bolashaqqa baǵdar: qoǵamdyq sanany jańǵyrtý» maqalasyna pikir bildirgen saıasattanýshy, Ázerbaıjan jańalyqtary aqparattyq agenttiginiń dırektory Gıýlnara Mamedzade osylaı dedi, dep habarlaıdy «QazAqparat» tilshisi.
«Qazaq kóshbasshysynyń halyqaralyq arenadaǵy bedeli bıik, alaıda mundaı deńgeıdegi saıasattyń nátıjeliginiń kórsetkishi - onyń birinshi kezekte óziniń halqynyń ıgiligi úshin júze asyrylatyndyǵynda. Ol óte názik saıası sezimtaldyqqa ıe jáne ylǵı da bir qadam aldyda júredi. Sol sebepti de Qazaqstan postkeńestik kezeńnen soń kúrdeli memlekettik damý úrdisinen jeńil ótti»,-dep qosty sarapshy.
Onyń sózinshe, Memleket basshysy tájirıbeli saıasatker retinde saıası jáne ekonomıkalyq reformalardy is júzinde júzege asyrý úshin qoǵamdyq sananyń mańyzdylyǵyn jaqsy túsinedi. Al óziniń ishki problemalarymen qatar syrtqy áserlerge de beıim ulttyń rýhyn syndyrmaı, ustap turý ońaı sharýa emes.
«Shamasy Qazaqstan Prezıdentiniń qoǵamdyq sanany jańǵyrtý týraly aıtqany da sondyqtan bolar. Osyǵan sáıkes, jańa zamanǵy jańǵyrtýdyń alǵashqy sharty retinde Qazaqstan basshysy óziniń mádenıeti men ulttyq kodtyń saqtalýyn atap otyr»,-deıdi sarapshy.
Sonymen qatar kóregendi bılik qazirgi zamanǵy úrdisterdi sergek baǵamdaı otyryp, rýhanı qundylyqtardyń, jahandyq psıhologııalyq quraldardyń yqpalynyń áserinen tarıhı, mentaldy dástúrlerdiń quldyraýy, sııaqty negatıvti faktorlardy tejeı otyryp, aldyn ala qamdanatyn bolady.
