Nazarbaeva sarapshylarmen Prezıdent Joldaýyn talqylady
ASTANA. QazAqparat - Senat depýtaty Darıǵa Nazarbaeva Almaty qalasyndaǵy Tuńǵysh Prezıdent - Elbasy qorynda Memleket basshysynyń Joldaýyn talqylaýǵa baılanysty sarapshylar qaýymdastyǵynyń ókilderimen kezdesti.
Talqylaýǵa memlekettik taldaý qurylymdarynyń, qoǵamdyq qorlar men úkimettik emes uıymdarynyń ókilderi qatysty.
Kezdesýde sarapshylar Joldaýdyń mańyzdy máselelerimen qatar, bılik tarmaqtarynyń, ortalyq pen aımaqtar arasyndaǵy ókilettikterdi qaıta bólý týraly da óz oılarymen bólisti. Jergilikti ózin-ózi basqarýdy damytý máselelerine erekshe nazar aýdaryldy.
Sarapshylar máslıhattar ókildik jáne quqyq qalyptastyrýshy mindetterin tolyq kólemde atqara otyryp, ózderiniń jergilikti jerlerdi basqarýǵa belsendi atsalysýy kerek ekenine kelisti. Bul olardyń qyzmetin qalyptastyrýǵa, ókilettikteri men qyzmet resýrstaryna talaptardy aıǵaqtaıdy. Sondyqtan Qoǵamdyq keńesterdiń jumys tájirıbesin zerdeleý jáne eń tıimdi úlgilerin ónege retinde taratý usynyldy.
Sarapshylar pikirsaıys barysynda Parlamenttiń ókilettigin kúsheıtý, depýtattar men fraktsııalardyń zańnamalyq bastamalaryn taldaýdy qamtamasyz etý, úkimet zań jobalaryna quqyqtyq saraptama jasaý jóninde naqty usynystar tústi. Sarapshylar qabyldanǵan zańdardy iske asyrýǵa jurtshylyqty tartýda aýqymdy túsindirý jumystaryn qolǵa alýdyń, sondaı-aq monıtorıng júrgizýdiń qajettigine nazar aýdardy.
