Nazarbaev zııatkerlik mektepterinde oqý quny arzandatyldy

ASTANA. KAZINFORM — Oqý-aǵartý mınıstri Nazarbaev zııatkerlik mektepterinde daryndy balalardyń oqý aqysyn tóleýge arnalǵan QR Prezıdentiniń «Órken» bilim grantyn taǵaıyndaý qaǵıdalary men mólsherin ózgertý týraly buıryqqa qol qoıdy.

Erejeniń jańa redaktsııasynda bir oqýshyǵa bıýdjetten bólinetin granttyń mólsheri ózgertilgen.

Sonymen granty qunyn mynandaı mólsherde belgilenip otyr:

— jataqhanada turý qunyn eseptemegendegi jyldyq oqý quny — 2 190 080 teńge;
— jataqhanada turý qunyn eseptegendegi jyldyq oqý quny — 3 053 940 teńge.

Buǵan deıin grant quny sáıkesinshe 2 349 191 teńge jáne 3 247 305 teńge bolǵan edi. 

Byltyr kúzde Oqý-aǵartý mınıstri Ǵanı Beısembaev Nazarbaev Zııatkerlik mektepterine bólinetin qarajat azaıǵanyn málimdegen edi.