Nazarbaev zııatkerlik mektepteriniń ujymy men oqýshylar jappaı velosıpedke otyrdy
ORAL. QazAqparat - Búgin elimizdiń barlyq qalalarynda Nazarbaev zııatkerlik mektepteriniń qatysýymen birinshi «Veloqala» ekofestıvali ótti. Bir ýaqytta bul aktsııaǵa zııatkerlik mektepterdiń oqýshylary, muǵalimderi jáne ata-analary, barlyǵy tórt myńnan astam adam qatysty. Oral qalasynda atalmysh sharany shahardaǵy Nazarbaev zııatkerlik mektebi (NZM) uıymdastyrdy, dep habarlaıdy «QazAqparat» tilshisi.
Oǵan oblystyq velosport mektebiniń 30-dan astam jáne NZM-niń 100-den astam oqýshysy, muǵalimi jáne ata-analary at salysty. Velojoryq mekteptiń aldynan bastalyp, №14 jalpy orta bilim beretin mektepke baǵyt aldy.
Mektep dırektory Sholpan Qadyrovanyń aıtýynsha, respýblıkalyq ekofestıvaldiń basty maqsaty - jastar men eresekter arasynda velosıped kóligin nasıhattaý, sol arqyly ekologııalyq mádenıetti damytý, salaýatty ómir saltyna baýlý. Bul shara «Aqbota» qoǵamdyq qorynyń qatysýymen BUU Damý baǵdarlamasy - «Almaty qalasynyń turaqty kóligi» jahandyq ekonomıkalyq qorynyń «Seniń qaýipsiz velosıpediń - seniń qalańnyń ekologııasy men densaýlyǵyń úshin» jobasy aıasynda uıymdastyrylǵan.
Belgilengen marshrýt boıynsha ótken velojoryq №14 mekteptiń aldyndaǵy dostyq kontsertine jalǵasty. Eki mekteptiń oqýshylary óz ónerlerin kórsetip, shara sońynda zııatkerler osy mekteptiń oqýshylaryna shaǵyn syılyqtaryn tabystady.
