«Nazarbaev Zııatkerlik mektepteriniń» tájirıbesi barlyq mektepterge taratylady
ASTANA. 16 maýsym. QazAqparat - Memleket basshysynyń tapsyrmasy boıynsha Zııatkerlik mektepter óz tájirıbelerin elimizdiń óńirlerine taratýda, dep habarlady «Nazarbaev Zııatkerlik mektepteri» AQ-nyń basqarma tóraǵasy Kúlásh Shámshıdınova pm.kz
saıtyna bergen suhbatynda.
«Zııatkerlik mektepterdiń bazasynda Pedagogıkalyq sheberlik ortalyqtary ashyldy. Kembrıdj ýnıversıtetimen birlesip jasalǵan baǵdarlamalar boıynsha muǵalimder osy ortalyqtarda biliktilikterin jetildirýde», - deıdi K.Shámshıdınova.
Sondaı-aq joǵary synyp oqýshylary úshin hımııa, fızıka, bıologııa, matematıka pánderi boıynsha onlaın-sabaqtar, jalpy bilim beretin mektepterdiń muǵalimderi úshin onlaın-semınarlar ótkiziledi. Oǵan qosa, «Nazarbaev Zııatkerlik mektepterinde» birneshe baǵytty qamtyǵan tájirıbelik bilim berý baǵdarlamalary engizilýde.
«Atap aıtqanda, oqýshylardyń óz betterinshe jumys isteý baǵdarlamasy, kóptildi oqytý baǵdarlamasy, alǵan bilimderin tájirıbede qoldaný ádistemesi, jobalaý jumystary qolǵa alynýda», - dedi K.Shámshıdınova.
Eń bastysy, "Nazarbaev Zııatkerlik mektepteriniń" baǵdarlamalary oqýshylardyń fýnktsıonaldyq saýattylyǵyn qamtamasyz etýge baǵyttalyp otyr, sondyqtan da joǵary synyp oqýshylarynyń pánderdi ózderi tańdaýlaryna jáne ýnıversıtetke oqýǵa túsýge daıyndalýlaryna jaǵdaı jasalady. Jalpy alǵanda, Zııatkerlik mektepteriniń aldynda turǵan mindet oqýshylarǵa sapaly bilim berý, tájirıbeler júrgizý jáne olardyń qorytyndylaryn basqa jalpy bilim beretin mektepterge taratý bolyp tabylady.
