Nazarbaev zııatkerlik mektepteriniń tájirıbesi Almatynyń 61 mektebine engizilip jatyr
Onlaın rejımde Almaty qalasy ákiminiń orynbasary Erjan Babaqumarovtyń tóraǵalyǵymen «Nazarbaev zııatkerlik mektebi» Almatydaǵy fılıalynyń Qamqorshylyq keńesiniń uıymdasqan otyrysy ótti. Jıynǵa sonymen birge qalalyq bilim basqarmasynyń basshysy Lázzat Jylqybaeva qatysty.
Otyrys barysynda Almatydaǵy NZM kórsetkishteri, qalanyń orta bilim júıesine tájirıbesimen bólisý barysy, sonymen birge oqýshylardyń bilim berý jetistikterindegi baǵalaý boıynsha PISA (Programme for International Student Assessment) halyqaralyq baǵdarlamasynyń nátıjeleri jáne Almaty qalasy mektepteriniń pedagogıkalyq mamandarynyń kásibıligin damytý máseleleri qaraldy.
«Fızıka-matematıkalyq baǵyttaǵy Nazarbaev zııatkerlik mektebiniń Almaty qalasyndaǵy fılıalynyń dırektory Juldyz Súleımenova 2019-2020 oqý jylyna arnalǵan fılıaldyń jumys saraptamasy boıynsha baıandady.
Onyń aıtýynsha, oqýshylardyń bilim sapasy 2019-2020 oqý jylynyń qorytyndysy boıynsha 85,2 paıyzdan 98 paıyzǵa deıin jaqsarǵan, 118 oqýshy oqýdy úzdik belgisimen aıaqtaǵan. 2020-2021 oqý jylyna oqýshylardyń jeke dara oqýyn odan ary damytý, ınjenerlik laboratorııa jáne «Ǵarysh» laboratorııasyn qurý, sonymen birge, muǵalimder quramyna qoldaý jasaý boıynsha mindetter qoıylǵan. Qashyqtan oqý aıasynda aǵymdaǵy jyldyń qazan aıynan bastap, oqýshylardyń jeke traektorııasyn damytýdyń onlaın platformasyn engizý josparlanýda.
NZM tájirıbesin Almaty mektepteriniń oqý protsesine taratýǵa erekshe kóńil bólinip keledi. Búgingi tańda NZM fılıalynyń tájirıbesi Almatyda qalanyń 61 mektebine taralýda. Almaty NZM uıymdastyrǵan semınarlarǵa, vebınarlarǵa jáne sheberlik synyptaryna myńnan asa adam qatysqan.
Otyrysqa qamqorshylyq keńestiń músheleri: qalalyq máslıhat depýtaty Ámirjan Nábıev, «Ulttyq aýdarma bıýrosy» qorynyń atqarýshy dırektory R.Kenjehanuly, Pedagogıkalyq ólshemder Ortalyǵynyń dırektory A.Shilikbekova, «Fızıka-matematıkalyq baǵyttaǵy «Nazarbaev zııatkerlik mektebi» Almaty qalasy fılıaly dırektorynyń orynbasary S.Soltanǵazına, Nazarbaev Ýnıversıteti joǵary bilim fakýltetiniń dekany A.Saǵyntaeva, «AZMK» JShS bas dırektory Sh.Shardınov, Qazaqstandaǵy Sınergııa ýnıversıteti ókildiginiń bas dırektory B.Qasymbergebaev, «Qazaqstannyń 100 jańa tulǵasy» jobasynyń jetekshisi M.Esen, «Turǵyn úı qurylys jınaq banki» AQ tóraǵasynyń orynbasary jáne basqalary qatysty.
Qamqorshylyq keńestiń II otyrysyn qorytyndylaı kele Almaty qalasy ákiminiń orynbasary Erjan Babaqumarov NZM-niń joǵary kórsetkishterin atap ótti jáne barlyq oqytýshylar quramyna alǵysyn bildirdi. Aǵymdaǵy jyly NZM-niń 3 muǵalimi qala ákimi Baqytjan Saǵyntaevtyń bastamasymen qolǵa alynǵan «Almaty jastary» baǵdarlamasy aıasynda baspanaǵa ıe bolǵan. Ekinshi kezeń barysynda muǵalimder tarapynan ótinishter túsken.
Erjan Babaqumarov Bilim basqarmasynyń basshylyǵyna NZM Almaty fılıalynyń oqýshylardyń jeke-dara nátıjesin jaqsartý boıynsha jumystaryn jalǵastyrýdy jáne qalanyń jalpy bilim beretin mektepterine Nazarbaev Zııatkerlik mektebiniń tájirıbesimen bólisý jumystaryn qolǵa alýdy, sonymen birge qalanyń orta mektepterine tájirıbeni ımplementatsııalaý jáne NZM standarttary boıynsha pánderdi úıretýdiń sapa dınamıkasy boıynsha zertteý júrgizýdi tapsyrdy.
