Nazarbaev Zııatkerlik mektepteriniń bıylǵy túlekteriniń bári JOO-ǵa tústi
ASTANA. QazAqparat - Nazarbaev Zııatkerlik mektepteriniń bıylǵy jylǵy túlekteriniń barlyǵy joǵarý oqý oryndaryna túsken. Bul týraly búgin bilim berý salasy qyzmetkerleriniń dástúrli tamyz keńesi barysynda «Nazarbaev Zııatkerlik mektebi» AQ basqarma tóraǵaıymy Kúlásh Shámshıdınova málim etti.
Jıyn barysynda keltirilgen málimetterge qaraǵanda, Nazarbaev Zııatkerlik mektepterin bitirgen túlekterdiń jalpy sany 5 myń 256 oqýshynyń quraǵan. Sonyń ishinde árbir úshinshi bitirýshi «úzdik» deńgeıdi ıelengen bolyp otyr.
«Bizdiń túlekterdiń 65 paıyzy mektebimizdi «jaqsy» jáne «úzdik» baǵamen aıaqtady, al olardyń 15 paıyzynda «tórttik» baǵa tek bir pánnen ǵana bolypty», - dedi K. Shámshıdınova.
Basqarma tóraıymynyń sózine qaraǵanda, aldyn ala málimetter boıynsha Nazarbaev Zııatkerlik mektepteriniń bıylǵy túlekteriniń barlyǵy joǵary oqý oryndaryna túsken.
«Sonyń ishinde túlekterdiń 89 paıyzy Qazaqstandaǵy JOO-ǵa, 4 paıyzy TMD elderiniń oqý oryndaryna, al 7 paıyzy alys sheteldiń ýnıversıtetterine jol tartyp otyr. Sonymen qatar, túlekterimizdiń 86 paıyzy oqý granttarynyń ıegeri atandy. Aıta keterligi, Nazarbaev Ýnıversıtetiniń Foundation baǵdarlamasy boıynsha usynylǵan 700 grantynyń 355-in bizdiń Zııatkerlik mektep oqýshylary alyp otyr. ıAǵnı, Nazarbaev Ýnıversıtetiniń árbir ekinshi granty bizdiń enshimizde», - dedi K. Shámshıdınova.
