Nazarbaev Zııatkerlik mektepteriniń 3 oqýshysy 11-12 synypta oqýyn Sıngapýrda jalǵastyrady
ASTANA. QazAqparat - 24 sáýirde «Nazarbaev Zııatkerlik mektepteri» fılıaldarynyń 10-synyp oqýshylary arasynda «Samuryq-Qazyna» AQ kompanııalar toby tarapynan berilgen bilim alý granttary boıynsha ótkizilgen baıqaýynyń qorytyndy kezeńi aıaqtaldy.
Joba aıasynda baıqaý jeńimpazdary 2016-2017 jáne 2017-2018 oqý jyldary aralyǵynda 11-12 synypta oqýyn Sıngapýrdaǵy Ońtústik-Shyǵys Azııa Birlesken Dúnıejúzilik kolledjinde (UWCSEA) jalǵastyrady.
Baıqaý 2016 jyly aqpan aıynda bastalǵan bolatyn. Baıqaý barysynda úmitkerler úsh kezeńnen ótýi qajet boldy. Alǵashqy kezeń keshendi synaq retinde ótip, matematıka, aǵylshyn tili synaǵy jáne ózara túsinistik deńgeıi men abstraktili oılaý qabiletiniń damý deńgeıin anyqtaýǵa arnalǵan (Differential Aptitude tests) tapsyrmalaryn qamtydy. Bul synaqqa 113 oqýshy qatysyp, 31 oqýshysy ekinshi kezeńge joldama aldy.
14 naýryzda ótken ekinshi kezeńde, ereje boıynsha tapsyrys bergen úmitkerler Sıngapýrdaǵy Ońtústik-Shyǵys Azııa Birlesken Dúnıejúzilik kolledji usynǵan esse jáne «Ne sebepti men UWCSEA kolledjine túsýim qajet?» taqyrybynda motıvatsıalyq hat jazdy. Kolledj komıssııasynyń sheshimi boıynsha 12 bala baıqaýdyń úshinshi kezeńine ótti.
Qorytyndy úshinshi kezeń 23-24 sáýirde Astana qalasy Nazarbaev Zııatkerlik mektebinde uıymdastyryldy. Bilim alý granttaryn taǵaıyndaý protsedýrasyn júzege asyrý úshin Astana qalasyna arnaıy saparmen Sıngapýrdaǵy UWCSEA kolledjiniń qabyldaý komıssııasynyń tóraıymy Djonatan Karter jáne kolledj negizindegi ınternat meńgerýshisi Gabrıel Abad keldi.
Sońǵy kezeńniń birinshi kúninde kolledj ókilderi oqýshylarmen kezdesip, bilim mekemesi jaıly kishigirim beınerolıkterin kórsetip shyqty. Ári qaraı UWCSEA ókili ár úmitkermen jeke suhbat júrgizdi. Al ekinshi kúni erejege saı oqýshylar Halyqaralyq bakalavrıat júıesi aıasynda ózi tańdap alǵan pán boıynsha daıyndaǵan prezentatsııasyn qorǵap shyqty.
Nátıjesinde komıssııa músheleri úmitkerlerdiń joǵary bilim deńgeıin, alǵa qoıǵan naqty maqsattary bar, daryndylyǵyn, árdaıym izdenip, bilimge qushtarlyǵy erekshe ekendigin atap ótip, jeńimpazdardy anyqtaý kezeńi óte qıyn bolǵanyn rastady.
Baıqaýdyń qorytyndysy boıynsha 90-nan astam ult ókilderi bilim alatyn Dúnıejúzilik kolledjge joldama alǵan jeńimpazdar tizimi kelesideı:
1. Ardaq Tálipova, Astana qalasyndaǵy Nazarbaev Zııatkerlik mektebi;
2. Aıjan Jomartqyzy, Qaraǵandy qalasyndaǵy hımııa-bıologııa baǵytyndaǵy mektebi;
3. Valentın Shýmakov, Taldyqorǵan qalasyndaǵy fızıka-matematıka baǵytyndaǵy mektebi.
Sıngapýrdaǵy Ońtústik-Shyǵys Azııa Birlesken Dúnıejúzilik kolledjiniń úmitkermen rezerv quramyna kiretin oqýshylar:
1. Aıym Baqytbaıqyzy, Taldyqorǵan qalasyndaǵy fızıka-matematıka baǵytyndaǵy mektebi;
2. Azamat Mahambet, Shymkent q. fızıka-matematıka baǵytyndaǵy mektebi.
Maýsym aıynda grant ıegerleri Sıngapýr qalasyna baǵdarly aptalyq aıasynda sapar shegedi. Al tamyz aıynan bastap UWCSEA kolledjinde oqýyn bastaıdy. Oqý sońynda oqýshylar Sıngapýrdaǵy Ońtústik-Shyǵys Azııa Birlesken Dúnıejúzilik kolledjiniń Halyqaralyq Bakalavrıat baǵdarlamasyna saı dıplomyn alyp oralady.
