«Nazarbaev Zııatkerlik mektepterine» kóptildi oqytý baǵdarlamasy engizilýde
ASTANA. 21 maýsym. QazAqparat - Aǵymdaǵy jyldyń qyrkúıek aıynan bastap «Nazarbaev Zııatkerlik mektepterine» Kembrıdj Ýnıversıtetimen birlesip jasalǵan úshtildi oqytýdyń jańa baǵdarlamasy engiziledi, dep habarlady «Nazarbaev Zııatkerlik mektepteri» AQ Bilim baǵdarlamalary ortalyǵynyń dırektory Janar Ábdildına pm.kz saıtyna bergen suhbatynda.
«2012 jyldyń 1 qyrkúıeginen bastap «Nazarbaev Zııatkerlik mektepterinde» úshtildi oqytýdyń jańa modeli iske asyrylady. Bul yqpaldastyrylǵan bilim baǵdarlamasy, barlyq pán boıynsha oqý jospary bizdiń strategııalyq seriktesimiz - Kembrıdj Ýnıversıtetiniń emtıhan keńesimen birlesip ázirlenip otyr»,- dep atap kórsetti Janar Ábdildına óz sózinde.
Ortalyq dırektorynyń aıtýynsha, baǵdarlama til úıretýdiń 2 túrli modelin qamtyp otyr. Birinshi model tildi bastaýysh synyptan bastap oqytýdy qarastyrady. Mysaly, qazaq synyptarynyń oqýshylary úshin birqatar pán orys tilinde oqytyla bastaıdy. Oǵan qosa, matematıka, fızıka, hımııa, bıologııa, ekonomıka jáne «Jahandyq zertteý perspektıvalary» pánderi aǵylshyn tilinde, ádebıet sabaǵy qazaq jáne orys tilinde, geografııa, Qazaqstan tarıhy jáne «Qazaqstan zamanaýı álemde» atty jańa pán memlekettik tilde oqytylady.
«9-10 synyptarda sabaq «Team-teaching» qaǵıdasy boıynsha júrgizile bastaǵanyna biraz boldy, ıaǵnı synypta eki muǵalim - aǵylshyn tilinde sóıleıtin muǵalim jáne sabaq tilindegi muǵalim jumys isteıdi. Osylaısha, biz oqýshylardy pándi tolyq aǵylshyn tilinde ıgerýge daıyndap jatyrmyz», - dep atap kórsetti J.Ábdildına.
Al ekinshi model - sabaqty tolyq qazaq tilinde oqytýdy qarastyrady. Bul modelge sáıkes, barlyq pánder, 1 synyptan bastap memlekettik tilde oqytylady, orys tili ekinshi synyptan bastap engiziledi, sabaqtar «Team-teaching» qaǵıdasy boıynsha júrgiziletin bolady.
Model erikti tańdaýǵa negizdelip otyr. «Qalaı bolǵanda da, túlek mektep bitirerde barlyq úsh tildi jaqsy bilim shyǵatyn bolady»,- deıdi «Nazarbaev Zııatkerlik mektepteri» AQ Bilim baǵdarlamalary ortalyǵynyń dırektory.
Kóptildi oqytýǵa negizdelgen jańa tujyrymdamalyq baǵdarlama oqýshylarǵa shet tildi erkin meńgerýge múmkindik beretin tildik ortany qalyptastyrýǵa baǵyttalyp otyr. 2012 jyldan bastap úshtildi oqytý saıasaty Kembrıdj Ýnıversıtetimen birlesken jumystyń barlyq alty baǵytyn qamtıtyn bolady.
