«Nazarbaev Zııatkerlik mektepteri» jańa bilim berý baǵdarlamalaryn engizýde

sonymen qatar, olar árbir balaǵa jeke-jeke oqytylady, dep habarlady «Orta bilim berýdiń mazmuny: dástúrleri men ózgeristeri» taqyrybyna arnalǵan ІІ halyqaralyq ǵylymı-tájirıbelik konferentsııada «Nazarbaev Zııatkerlik mektepteri» derbes bilim berý uıymynyń basqarma tóraıymy Kúlásh Shámshıdınova. Bul týraly pm.kz   saıty habarlaıdy.

«Qazirgi tańda pánder boıynsha oqý baǵdarlamalaryna arnalǵan bilim berý jobalary ázirlendi. Jobada oqýshylardyń qalyptasqan jaǵdaılarda jáne tosyn jaǵdaılarda túsinistik tanytyp, aqylyn durys paıdalana bilýge, aqparatty qabyldap, óziniń jeke kózqarasyn saraptan ótkizýge jáne kez kelgen jaǵdaıda da joǵary básekege qabilettilik tanytýǵa múmkindik beretin fýnktsıonaldy saýatty bolýyna erekshe nazar bólindi», - dedi Kúlásh Shámshıdınova.

Uıymnyń basqarma tóraıymy aıtyp ótkendeı, bilim alýǵa qoǵamnyń, memlekettiń, jeke adamdardyń tez ózgerip otyratyn talaptary yqpal etedi jáne «Nazarbaev Zııatkerlik mektepteri» jańa zamanaýı bilim berý baǵdarlamalaryn qabyldaıtyn alańdar bolyp tabylady.

«Nazarbaev zııatkerlik mektepteri» zamanaýı bilim berý baǵdarlamalaryn daıyndaıtyn jáne engizetin synaq alańy bolyp tabylady. Biz Fınlıandııa, Shvetsııa, Sıngapýr, Ulybrıtanııa, AQSh, Ońtústik Amerıka, Japonııa, Koreıa sııaqty elderdegi bilim berý baǵdarlamalarynyń mazmunyn zerttedik», - dep atap ótti Kúlásh Shámshıdınova.

Álemdik tájirıbe qurylymdalyp, bilim berý baǵdarlamalarynyń negizgi maqsattary anyqtaldy. «Bilim berý salasyndaǵy álemdik tájirıbeni zertteı kele biz, jahandaný kezinde álem boıynsha bilim berý oı eleginen qaıta ótkiziledi degen qorytyndyǵa keldik. Álemniń kóptegen elderindegi, sonyń ishinde TMD elderindegi dástúrli bilimge baǵyttalǵan úrdistiń ornyna árbir balaǵa jeke jol tabý úrdisi kelýde», - dep atap óttii Kúlásh Shámshıdınova.